|
|
 | السنة - | 520 | ه - العدد | 1424 | ربيع الآخر | من | 29 | - م | 2003 | يونيو | من | 29 | الأحد |
|
 |
| بتوقيت القاهرة |
|
12:49:49 PM |
|
الساعة - |
|
28-Jun-01 |
|
آخر تحديث يوم |
|
| ساحة الإبداع |
 |
|
|
انطلاقة شعر 'العامية'
حسن عبدالموجود
لانتحيز في أخبار الأدب لنوع أدبي معين، لكن الحقيقة التي أصبحت ماثلة الآن هي أن الشعر العامية في مصر تطور تطورا لافتا للنظر، اكتسب أبعادا جديدة أهلته ليكون معبرا بحق عن الواقع الحياتي داخل شوارع مصر، وفي قراها وأزقتها وحواريها..
ولا أريد أن أكون مغاليا إذا قلت أن العامية هي الصوت الأقدر حاليا علي التعبير عن الشعرية داخل مصر، فيبدو أن قصائد الفصحي تعاني من أزمة، أو مجموعة أزمات تجعل الناتج النهائي لها باهتا، ضعيفا، لا نستطيع معه أن نقول إن شعر الفصحي يعيش فترة ازدهار، علي العكس تماما يبدو أنه يعاني من اضمحلال تام، واقتصرت التجارب الجيدة علي مجموعة أسماء تشكل حالات فردية لا ظاهرة عامة..
عشرات الخطابات تنهمر علي الجريدة كل يوم، تحمل قصائد العامية لتؤكد أن هناك جديدا وطزاجة في الأغلب الأعم، أما قصائد الفصحي فتعاني من مشاكل ليست هينة، وهي في الأغلب متشابهة، متناسخة، أو كما اصطلح علي تسميتها 'قصيدة واحدة' تعتمد علي المجاز الصارخ الذي لاينبني علي معرفة عميقة، ولهذا فإن القصيدة تبدو وكأنها تدور في فلك تجريدي، لا تشعر معها حتي بمتعة القصيدة العمودية الكلاسيكية التي كتبها الشعراء الكبار في أجيال مختلفة بدءا من الجاهلية..
قصيدة مفككة، في الأغلب لاتخلو من كسور عروضية ينتج عنها كسور نحوية أو قصيدة نثر كتبها أصحابها جهلا بالتفعيلة!
وطوال سنوات صدور أخبار الأدب تنبهنا جيدا إلي شعر العامية، خصصنا له صفحة ثابتة أسبوعيا في ساحة الإبداع، كما أقمنا مسابقة للعامية قدمت لمصر والعالم العربي عشرات المواهب الحقيقية التي رسخت أقدامها جيدا في الساعة الأدبية، وتسير الآن بخطي ثابتة..
وبعيدا عن المسابقة فإن هناك أسماء بدأت مع أخبار الأدب، أصبح لها حضورها الآن، ومنها عبدالناصر علام، ونشأت عمر (نجع حمادي)، الطاهر برعي، وجمال عدوي (أسوان) أحمد عبدالحكم، (قنا)، محمد عبدالقوي (المنيا)، جمال حراجي، ومدحت منير (الاسماعيلية) حاتم مرعي ومجدي عطية (السويس)، طارق فراج (الوادي الجديد) ماهر مهران (أسيوط) حمدي زيدان، حمدي خلف (الاسكندرية)، وغيرهم من ينشرون بانتظام في ساحة الابداع، يسري حسان وصادق شرشر ومسعود شومان، نفرد 'ساحة الابداع' هذا الأسبوع لقصائد عامية لعدد من الذين نشروا قبل ذلك وآخرين ينشرون للمرة الأولي ، تؤكد ان شعر العامية يتطور باستمرار ويستحق منا تقديرا واحتراما ووقفة نقدية حقيقية.
|
|
|
وقعة فلاح
بيومي قنديل
لما وقع ماسمعت لوش غير سن فاس ماضي
وخروشة غلق فاضي كتم هم الرصيف، وقولته
آه اللي أكيد طلعت ولا لقطت هاش.
***
لما وقع جات وقعته علا ضهره والفلاح
بيلبس لما يلبس راق
يادوب، لو يتنتر بينحسر. واحدة 'شيري' بنت ذوات
لحقت قوام حدفت عينيها
الناحية ديك ها وزودت دوغري في سكتها بعيد،
فيما قلت انا: عندك اكيد ي ميعاد ي اخلاق!
***
لماوقع ما وقع ش لاكن انفرط، من عنقه ساب: بقجة رباطها
فجأة طار، غير السؤال اللي غلبت يومها وياه ايه يحوش حبة
عضاه يتدعوروش يتدحرجوش علا الرصيف
زي الغلق والفاس كدا إيد في اتجاه وإيد في وأيد في تاني اتجاه؟
***
لما وقع بصيت عليه حققت فيه ما اعرفت ش
ان كان اسمراني وسكك السفر الطويل هداه تمام، ولاابيضاني
والشمس لافحاه، لونه كان لون التراب، واكمني مقري علي ورد وكتاب، اقدر اقول: لون البدن
كان لون 'اوزير' اخضر خضار عجيب
غريب: مسحوبة منه
ماية الحياة!
***
لما وقع رميت عيني شفت قلت في بالي انا:
ياهل ترا موعود يلبسوك جنايني يشغلوك فلاح
في غيط لكين زغنون أد كف مولود،
زرعه ممؤوت لو كبر، يرمي ش تمر،
ولايسيب ضل علا اجناب السكك ممدود، ماشي مع القدم،
ولا الغيطان الهو ماتكون شي عليك داقت خلاص،
راحت مطوحاك هنا في مصر الجديدة؟
***
لما وقع باريت بعيني عليه لقيته عجوووز،
مكحكح قول لكين فوق شفت
نابق شنب اخضر وليد ما كمل ش تنبيت
والأكادة النني بايش والنظر يادوب طشاش،
والبق مقفول علا طول منقار تقول
بس الايدين كبار يفصلو جوزين
أيود وفرد من ايود 'البهوات'
***
لما وقع قلت أكيد وقعة جمل ويستحيل يقوم
لكين بربش لحقت دوغري مديت اليمين
باللي طلع فيه النصيب شوف انت بس
الحسنة الواحدة بكام؟ شاف
إيدي ولايكون ماشاف هاش: في الهوا
سابها وسند سند علا زندي،
وفضل يقوم لحد ماقعد،
وباين انه بص ع الطريق
وشافه علا أد ماحد، وسمعه بينادي اكيد اكيد عليه،
لحق نهض مد الايدين يمين وشمال يطصو
ياك شي صدفة في الغلق
والفاس!
|
|
|
من فن الواو
عبده الشنهوري
إرمي حمولك علي الله
خّلّق الخلايق وعالها
دنيا غرورة بلا جاه
والعاقل اللي وّعي لها
***
يامسحراتي الوطن ليه
طوٌّل وطنا في نومه
نّبّحت خصومه ولم ليه
زعقه تفرٌِق خصومه
***
موجك يابحر ان هِدِي مات
وان قّلْ مّلْحك بِتْعِدم
واللي ما مالي الهدومات
يعيش حياته يتوع دم
***
ليل الحياري ياليلين
يامين يقصٌِر طوالك
ياليل وقلبك مابيلين
والعين ما نامت طوالك
***
باين لي عصر الهّمّج عاد
يزحف ولا حد داري
من غير مناسبة ولامعاد
جا الغرب يسكن في داري
***
باين لي عصر الهمج عاد
والسرقة عيني وعينك
ياللي انت ساكن ف بغداد
ع الغرب الله يعينك
***
هّجّمت ديابة علي عراق
نّهّشِت ما خّلٌِت خلايق
والدم يصرخ في لعراق
والجسم كِرْه الخلايق
***
طول عمري اقدم ف سبتي
ولا أحد جاي لي يواسيني
وعلي يادنيا وثبتي
ونّشّبتي ضجفرك في عيني
***
أبو عقل أجوّف كما الطبل
ما يحقٌِق اللي يسجرٌجه
واللي ف رّقّبتجه ربط حّبل
تيجي الخلايق تججرٌجه
***
من خوفه ضِلٌجه ما بِيبان
من تحت إيد الغّرّايب
سجور الكرامة لجه بِيبان
تِفتح ف ساعة الغرايب
***
ألِمٌْ خوف العيايل
من ليل صخري الضوافر
واغزل بجه حِزمة مواويل
علي زِند أسمر معافر
***
ألبس جناح الحمامات
واطوف شمالي وجنوبي
أطلب لكوني السلامات
والرحمة للي جنوبي
***
يا حلو فتٌّح شبابيك
تشرِح قليبي بهواها
لو إيدي تملك شبابيك
أملِك أراضي بسماها
***
في البسمة طوٌّح سهاميه
أبو قد كالطيف لايح
ترشِق سهامجه مراميه
يتْعّدوا ضمن الدبايح
***
ياللي عيونك غيطان طيب
وكل نظرة بآه لي
قليبي منك ما هّيطيب
غير لما اشوفك في أهلي
***
طيفجه خطر لي من اميال
صّحٌّي ف قليبي وجيبه
لو كان قليبه لي ميٌّال
قرٌّاب أروح له واجيبه
***
ليلك فردتجه علي نهار
يا أبوعود أخضر وراوي
يرضيك العقل ينهار
مِنٌي يا أبوالعقل راوي؟
***
اللي ف قلوبنا زرعناه
من غير سبايب قّلّعنا
لاحط قولجه ف معناه
ولاسباب قلوبنا تّبّعنا
***
رِمش العذاري قتل ناس
تِحكّي عليهم حكاوي
من شط دجلة لمكناس
لم لقيوا ليهم مداوي
***
رمش الحليوة فّرّش ضِل
ونظّمْت فيه القصايد
أقول كلامي وما اضل
ف الحلو أبوسهم صايد
***
مين اللي قلبه ماغّنٌّاش
لحظة يلاقي حبيبه؟
لولا المحبة ما كجنٌّاش
مجروح يداوي طبيبه
|
|
|
ميت ميت
حمدي خلف
ماسكتك
المرة دي بقي مش ممكن ح اسيبك
ما تحاولش
لازم تاخدني معاك
اعتربني عيل،
وشبط
لكن مش ح اسمحلك ابدا
تهرب مني
خلاص
بقيت حافظ كل الاعيبك،
ومافيش قوة ع الارض
ح تخلٌيك تمشي من غيري
يعني
ما تفتكرش انك ح تقدر
تضحك عليا
المرة دي
مافيش حاجة ممكن تغريني بيها،
وتخلٌيني أقعد،
واكيد
انت جي وعارف كويس
اني محتاجلك النوبة دي
اكتر من أي مرة عدٌت
صدٌقني
مش ح تلاقي زبون
اسهل مني
قبل ما تخلٌص الشاي
اللي ف ايدك
ح اكون عبٌيت لك
روحي في شنطة
وطلعتلك
الذنوب م الدولاب
ثواني
مش ح عٌطلك
انا عارف
ان عندك شغل كتير
الايام دي
ربنا يكون في عونك..
|
|
|
تواريخ سقوط وردة النور
ماهر مهران
1
خايف قوي (م) الرٌيح
تجيب مرار
وصريخ'
وألم يشق القلب
ويقولي تاني برعب:
زي الملك (م) انكسر
إنكسرت إرادة الشٌٌعب
2
كل م تنبٌِت حبٌه للحياة في الجولان
في سينا
و (ف) لبنان..
في حيفا
وبغداد الحزينة
تعلي النٌّار حوالينا
وتسيب خراب في الرٌجوح
(ف) يا نوح
مش كنت حفرت حفرة
في قلب السٌفينة
وريٌّحت البشر بدري
3
السٌّما بتشتي قرود
ونباح كلاب
ورعود..
وتتار
ومغول
ويهود..
وشتا سقيع وبرود..
وعنكبوت (ع) ينخر
في جمجمة عيٌل عراقي
وأنا (ع) أسال سما بتشتي
مين زايل؟
ومين باقي؟
أخطبوط الموت
ولا وردة النٌجور
اللي (ع) تطلع
من جمجمة الواد العراقي؟!
4
ماسك خيوط النٌجوم
لكن الحلق ناشف
والكلمة تجقل الهرم علي طرف اللسان
والدٌجنيا تصغر في عيني
والنار (ع) ترعي في المصران
وأنا نفسي أنام
أرقص.. أغنٌِي
أطيٌِر عصافيري
وألعب مع الأوهام
مع الحقيقة
مع الأحلام
أحكي حكاية حب للقمري
واستمتع ولو مرٌّة بلحظة من عجمري
وأنسي النهارده أيه؟
ودا ليه؟
ودي بكام؟
أخد حبيبتي للنسيم
لضليلة عنب
لرقصة البط علي الترعة
للخضرة
ولعشق الحمام
أنا
نفسي أنام
لكن خايف ساعة أصحي
يقولولي:
حبيبتك ضاعت
وإنتّ مش دريان!!
5
النار بترعي في ريش الحمام
في الكتب
وفي الأقلام
و(ف) كرامة شيوخ الحي..
في الفراشات
وفي الأحلام..
في ججمٌّار النخيل لابيض
و (ف) غنوة النعناع للبرسيم
و (ع) ترعي كمان
في جسم سيدنا
ولا برد
ولانسمة سلام!!
6
أنا باموت في صبغ الشٌّعر
تنعيم الخد والسمان
توليع الشموع بالليل
والرقص ويا ريحة البارفان
وباعشق اللمس والهمس والأحضان
وارتعاشة البدن تحت العبيد
في زوايا الزٌمن
وركن أركان المكان..
وأنا شهقة العشق الوحيدة
وأنا في جيش العرب
رئيس لهيئة الأركان.
.
|
|
|
ضلك وروحي جسد
أحمد الخدرجي
من حر روحي لمشيتي وياك
أنا بحسبك ضلي
وبخاف أمشي في حتة ضلمه
تتوه
عفريت لابسني ف ساعة المغرب
وأنت اللي واقف علي الشط البعيد
فكرت فيٌه
ورميت الانتظار ف البحر
بيمرجحك 'عبدالوهاب'
علي سلم الكرنك
'كيلوباترا' ماتت
بس لسه بتنفطم جواك
علي دمك البانورامي
وقفوا البنات/ طوابير
مالمستهمش
بصيت لواحدة..
عجبتك
ضحكت براءة شهوتك ليها
وعاكستها ف سرك
وأنت اللي ساند علي ضل 'كامب شيزار'
مستني طلة عيونها من رغاوي البحر
يمكن تتولد تاني
ضلك وروحي جسد
حلمين تلتاشر سنة
متعشقين ف تذاكر الديزل
وشقاوة 'المترو' ف عيون القاهرة
وضحكة الورد ف وطن معرفنهوش
وأنت اللي رافض
مبدئي الصوفي
وبوسة باحطها علي كف ايد شيخي
ودمعتين مني
خبطوا علي نحاس المقام
خاصمتني فجأة
ومشيت ورا دلع الخطاوي
ورقصة الفساتين
في 'سموحة' وف 'بحري'
بس انا
وحياة شوارع 'طنطا'
وبنات رسلناهم غلط
وعشرين جنيه
بيعيطوا ف صنية كبايات المانجة
كان نفسي اشوفك
وأنت واقف
عند مدخل سينما 'راديو'
مستني بنت مشفتهاش
وآخر فيلم ل 'ايناس الدغيدي'
من قبل ما المح دهشتك
ودراعي في دراعها
نظرة عنيك
بقي كلها اشاربات
وقجصص
بتخطف طلعتك لله
وأنت اللي مسكون ببراءة التواشيح
وروحانية الحضرة
إرجع لآخر بسملة ف روحك
وخاف من مزلقان القطر
لكل عفاريت السكك
تِحّدِفّك بالطوب.
|
|
|
قصائد
1
أنا قبل ما أهدي ديواني
أهديكي عمري وروحي
ما إنتي اللي حبك دواني
نساني أهة جروحي
2
ساعات الواحد
بيسافر
في الزمن الماضي
وبينزل
ع الرصفان الشايلة
فوق أكتافها الذكري
وبيحضن
للجدران الحافر فيها
القلم الأخضر
سطر محبه
ويبوس الشجر الفارد
كف الغصن
علي الحرفين
3
أنا كنت رومانسي
أصبحت المنسي
وإتزحلق أمسي
علي جسر مسفلت
بالأحزان
4
ياحضرة العصفور
أنا كنت بهواك
أنا كنت بستناك
وأرخي وداني
وأسمع غناك
وكنت بتمتع معاك
إيه اللي خلاك
تقلد الغربان
5
الشوكة
لما تشوف الوردة
ف حالة فرحة
تدحلب
وتمد إيديها
تطرف لعينيها
وتزغطط
لما الدمعة تسرسب
علي خد الوردة
6
شيطان ف توب الملاك
أملس وعارف تعيش
مهما نفاقك ملاك
سهمك مصيره يطيش
7
السوق
مهما إزدحم
بيروق ويفض
والشاعر اللي بيخط
أي كلمة
مالهاشي معني
أو فيها صورة
الكلمة دي
راح تبقي مبتورة
ولا حد يوم يفتكرها
أنا كلمتي ببتكرها
المعني معني
والصورة صورة
وح تبقي محفورة
ف قلب الناس
قمر وناس
وتحييني
اذا ما كنت يوم ميت
8
معلش
أصل أنا بالظبط
زي العصافير
وبحب أرفرف وأطير
وبخاف م الكبسة
وبخاف م الحبسة
وبخاف من القفص اللي أشعر فيه
إني أنا فطسان
وبحب أتجول في البستان
وأطلع منه
بقصيدة حب
9
تحلا ف عينيا دقيقة
وساعات تسقيني مرك
إسمح لي دي مش طريقة
وأنا برضه مش تحت أمرك
10
العتمة لوجات ف يوم
صدقني مش راح تدوم
خلي التفاؤل يعوم
ف بحر قلبك بضي.
|
|
|
|
